အိမ်အကူ ပြဿနာ အဖြေရှာ

လင်းကိုကို

ရန်ကုန်မြို့တွင် အုပ်စုဖွဲ့၍ အိမ်အကူများ ဟန်ဆောင်ကာ ကြိုတင် လစာယူ ပြေးမှုများ ဖြစ်ပွားနေကြောင်း၊

အိမ်အကူများက ခိုးယူမှု၊ လိမ်လည်မှုများ ကျူးလွန်နေသလို အိမ်ရှင်များ ဘက်ကလည်း ညှဉ်းပန်းနှိပ်စက်မှုများ ရှိနေကြောင်း ဧပြီ ၁၉ ရက်ထုတ် သတင်းစာ တစ်စောင်တွင် ဖတ်ရှုလိုက်ရ ပေသည်။

အဆိုပါ ပြဿနာများ ဖြစ်ပွားနေသည်မှာ ကြာပြီ ဖြစ်သည်။ လွန်ခဲ့သော နှစ်နှစ်ခန့်ကပင် ရန်ကုန်ဘူတာကြီး တစ်ဝိုက်၌ ထိုကဲ့သို့ လှုပ်ရှားနေသူများ စုဖွဲ့လေ့ ရှိခဲ့ကြသည်။ များသောအားဖြင့် အချို့ အမျိုးသမီးငယ်များ  ၁၅ နှစ်၊ ၁၆ နှစ်ခန့်ကို အိမ်တွင် မိဘနေမကောင်း၍ ကြွေးတင်နေကြောင်း၊ ထို့ကြောင့် ကြိုတင်လစာ ပေးရန် သနားစဖွယ် တောင်းဆိုပြီး ကြိုတင် လစာယူ၊ လစ်သည်နှင့် ထွက်ပြေး၊ မလစ်ပါကလည်း အိမ်ရှင်နှင့် အဆင်မပြေဖြစ်အောင် လုပ်ပြီး နောက် တစ်အိမ်ပြောင်း၊ ကြိုတင်လစာယူနှင့် ပြဿနာမှာ မုန့်လုံးစက္ကူကပ် ဖြစ်နေသည်။ ပွဲစားများက နောက်တစ်အိမ်ပြောင်းမှ ပွဲခရမည် ဖြစ်သဖြင့် အိမ်ရှင်နှင့် အိမ်အကူ မမြဲစေရန် အမြဲ ဖန်တီးလေ့ ရှိသည်။ အချို့ ပွဲစားများက အိမ်အကူ ထွက်ပြေးကြောင်း သိရှိပါက လူကိုပြန်ရှာခိုင်း၍ မရှာနိုင်က ရဲတိုင်မည်ဆိုပြီး ငွေထပ်တောင်းတတ်၏။

အချို့ကျပြန်တော့လည်း ကြိုတင်လစာ ပေးပြီးပြီဆိုပြီး မဝရေစာကြွေး၊ မနားတမ်းခိုင်း၊ မလုပ်နိုင်ပါက အိမ်ရှင် က နှိပ်စက်နှင့် သံသရာ လည်နေသည်ကို တွေ့ရှိရသည်။ အားလုံးဟု မဆိုသော်လည်း အိမ်ရှင်က မကောင်းသည်လည်း ရှိ၏။ အိမ်အကူက မကောင်းသည်လည်း ရှိပေသည်။

မြန်မာနိုင်ငံ၏ လက်ရှိ လူနေမှုစနစ် အရ အလုပ်လုပ်နိုင်သူ အားလုံး အပြင်ထွက်၍ အလုပ်လုပ်ကြရသည် ဖြစ်ရာ အိမ်အကူ ဆိုသည်မှာ မရှိမဖြစ် အရာဖြစ်လာသည်။

မြန်မာနိုင်ငံ၏ ယခင် လူနေမှုစနစ်အရ စီးပွားရေး တောင့်တင်းမှုမရှိသော၊ ခိုကိုးရာမဲ့သော အမျိုးသမီး ကလေးများအား အိမ်တွင်းကိစ္စ မနိုင်သော အိမ်ထောင်စုများမှ မေတ္တာဖြင့် ခေါ်ယူ ထမင်းကျွေး၊ အဝတ်ဆင်၊ အိမ်ထောင်ချပေး၊ အိမ်အကူ လုပ်သူကလည်း အိမ်မှုကိစ္စ ဝိုင်းလုပ်ပေး၊ ကြိုက်နှစ်သက်သူနှင့်တွေ့ အိမ်ထောင်ကျ ဤသို့ဖြင့် ပြီးခဲ့ကြသည်။ အချို့က အတူနေထိုင်ရင်း သံယောဇဉ်တွယ်ပြီး အမွေစား အမွေခံ မွေးခဲ့ကြသည်လည်း ရှိသည်။ သို့သော်လည်း ယခုခေတ်တွင် မည်သည့်အရာမှ အလကားမရဟု ဆိုကာ အခကြေးငွေ ယူပြီး စီးပွားရေး လုပ်ငန်းသဖွယ် အိမ်အကူ လုပ်ငန်းကို လုပ်ကိုင် လာကြပေသည်။

ဤတွင် အိမ်အကူက ခိုးဝှက်၊ ဒုစရိုက်သမားများကို လက်ထောက်ချ စသည်ဖြင့် ရာဇဝတ်မှုများ ကျူးလွန် လာကြသည်များ ရှိသလို အိမ်ရှင်များကလည်း ညှဉ်းပန်းနှိပ်စက်၊ အနိုင်အထက် ပြုမူခြင်းများလည်း ရှိကြ သည်။ မိမိနှင့် အဆင်မပြေသော အိမ်အကူကို ခိုးမှု၊ ပစ္စည်းပျောက်မှုများ ဖန်တီး၍ အနိုင်ကျင့် လာကြသည်။

ဤသည်တို့မှာ မလိုလားအပ်သော ပြဿနာများ ဖြစ်သည်။

ထို့ကြောင့် အိမ်အကူများ ပြဿနာကို ဖြေရှင်းဆောင်ရွက်ရန် နည်းလမ်းရှာသင့်ပြီ ဖြစ်ပါသည်။ အခြားနိုင်ငံ များနည်းတူ အိမ်အကူ လုပ်ကိုင်ခွင့် မှတ်ပုံတင်စေသည့် စနစ်ဖြင့် အိမ်အကူ မူလနေထိုင်ရာ ရပ်ကွက်၊ မြို့နယ်မှ အိမ်အကူ လုပ်ကိုင်ခွင့် မှတ်ပုံတင်ပေးပြီး မိမိလုပ်ကိုင်လိုသည့် မြို့နယ်၊ ရပ်ကွက်သို့ ရောက်ရှိက ထိုမှတ်ပုံတင် လက်မှတ်ဖြင့် စာရင်းသွင်းပြီး လုပ်ကိုင်စေသင့်သည်။ အိမ်အကူရော၊ အိမ်ရှင်ပါ များသောအား ဖြင့်အမျိုးသမီးများ ဖြစ်သဖြင့် ဤကိစ္စအား အမျိုးသ မီးရေးရာ အဖွဲ့ကဲ့သို့သော NGO များမှ အိမ်အကူ အလုပ် အကိုင် ညှိနှိုင်းရေး အဖွဲ့ဖွဲ့ပြီး ကမကထ ပြုလုပ်သင့်သည်ဟု အကြံပြုအပ် ပါသည်။ အိမ်ရှင်နှင့် အိမ်အကူ ငှားရမ်းမှု စာချုပ်ချုပ်ဆိုခြင်း၊ ကူးစက်ရောဂါရှိ၊ မရှိ၊ ကိုယ်ဝန်ရှိ၊ မရှိ ဆေးစစ်ခြင်း၊ စည်းကမ်းချက်များ၊ ရပိုင်ခွင့်များ (လစာ၊ အလုပ်လုပ်ချိန်၊ နားချိန်၊ အိပ်ချိန်၊ အပန်းဖြေခွင့်၊ အစားအစာ) ညှိနှိုင်းခြင်းတို့ကို အိမ်အကူ အလုပ်အကိုင် ညှိနှိုင်းရေး အဖွဲ့များက ညှိနှိုင်းပြီး သက်ဆိုင်ရာ ရပ်ကွက် အာဏာပိုင်များ ထံတွင် မှတ်ပုံတင်စာရင်းသွင်း၍ လုပ်ကိုင် စေသင့်သည်။ အိမ်အကူတာဝန်ထမ်းဆောင်နေစဉ်အတွင်း တရားမျှတမှု ရှိ၊ မရှိ၊ ညှဉ်းပန်းနှိပ်စက်မှု ရှိ၊ မရှိတို့ကို လစဉ် သို့မဟုတ် နှစ်လတစ်ကြိမ်ခန့် ထိုအဖွဲ့မှ ကွင်းဆင်း ကြည့်ရှုပါက ပြဿနာများ ကင်းဝေးသွားမည် ဖြစ်သည်။ ရပ်ကွက်အတွင်းရှိ အိမ်ရှင်များကိုလည်း မိမိတို့သ ဘောဖြင့် ဆက်သွယ် ငှားရမ်းပါက လူကုန်ကူးမှုနှင့် ငြိစွန်းနိုင်ကြောင်း အိမ်အကူ အလုပ်အကိုင် ညှိနှိုင်းရေး အဖွဲ့မှ တစ်ဆင့် ငှားရမ်းခြင်း ပြုလုပ်ရန် ရပ်ကွက် အာဏာပိုင်များမှ အသိပေး စည်းရုံးသင့်ပါသည်။ ထို့အတူ အိမ်အကူအဖြစ် သွားရောက် လုပ်ကိုင်မည့် သူများကိုလည်း မိမိကျေးရွာ/ ရပ်ကွက် အိမ်အကူ အလုပ်အကိုင် ညှိနှိုင်းရေး အဖွဲ့တွင် မှတ်ပုံတင်ပြီးမှ သွားရောက်ခြင်းဖြင့် ဘေး ကင်းမည် ဖြစ်ကြောင်း အသိပေး စည်းရုံးသင့် ပါသည်။ လိုအပ်ပါက လိုအပ်မည်ဟု ယူဆသည့် စည်းကမ်းချက်များကို ကွင်းဆင်း လေ့လာပြီး ဥပဒေ ပြဋ္ဌာန်းသင့်က ပြဋ္ဌာန်းရမည် ဖြစ်ပေသည်။

သို့ပါ၍ အိမ်အကူ လုပ်သူများလည်း ဘဝအာမခံချက် ရှိရှိဖြင့် အိမ်အကူ လုပ်ငန်းကို လုပ်ကိုင်ပြီး အိမ်ရှင်များ အနေဖြင့်လည်း မိမိအိမ်၏ လုံခြုံရေးနှင့် ပွဲစားများ၏ လှည့်စားခြင်း ဒဏ်မှ ကင်းဝေးစေရေး အတွက် အထက် ဖော်ပြပါ နည်းလမ်းများ သို့မဟုတ် ပိုမို ကောင်းမွန်သော အစီအမံများဖြင့် အကောင်အထည် ဖော်နိုင်ရေး အတွက် အလုပ်သမား၊ အလုပ်အကိုင်နှင့် လူမှုဖူလုံရေး ဝန်ကြီးဌာန၊ အမျိုးသမီးရေးရာ အဖွဲ့နှင့် အုပ်ချုပ် ရေးပိုင်းဆိုင်ရာ တာဝန်ရှိသူများမှ အလုပ်သမား ဥပဒေ၊ လူမှုဖူလုံရေး ဥပဒေ၊ အနိမ့်ဆုံး အခကြေးငွေ ဥပဒေများနှင့် အညီ စီစဉ်ဆောင်ရွက် အဖြေရှာသင့်ပြီ ဖြစ်ကြောင်း အကြံပြု တင်ပြအပ်ပါသည်။    ။

 

 

 

Read 369 times
Rate this item
(2 votes)